حاجه غريبه ، بقلم / ياسر عيد

حاجه غريبه

انى أشوف القمر

فى عز نهارى

ان القمر ينسى السهر

ويطلع عشانى

حاجه غريبه

لو كنت بحلم

يارب أفوق من الأحلام

ازاى بس بحلم

وأنا حاسس بالشوق والغرام

دا القمر هالل عليا

ونسايمه بتطوف حواليا

دا حلم دا ولا حقيقه

حاجه غريبه

ان عينى تيجى فى عينيه

وان ايدى تلمس ايديه

وتطلع منه البسمه رقيقه

حاسيت بقلبه مليان وفا

وفجأه راح عنى واختفى

دا حلم دا ولا حقيقه

من يومها ماحلمتش بيه

ولا عينى شافت مره عينيه

بعيده عنى لاكن قريبه

حاجه غريبه