""ما يهمكيش""" بقلم / مخمود وحيد
ما يهمكيش م الهبهبة
وكتر الكلام
وما تعتبيش ع اللى ما
يستاهل ملام
انت السلام مهما حاولوا
يصوروكى او يهدموا
فيكى السلام
.....
من امتى سلمتى
لخسيس؟
او حد داس على
طرف توبك
وف ترابك مــــــــا اندفنش؟
.......
من امتى مال عودك
يا سمرة
د الغالى لعيونك
رخيـــــــــص
والحب ليكى ما يتوصفش
....
انت الكنانة
والمهانة للى يفكر يجرحك
مهما كان او يكــــــــــون
....
انت الأميرة
واللى يخونك تفتليــــــــه
مهما كان له من عيون
....
فما تشغليش بالك
يا غالية
وما تزعليش
وما تعمليش ليهم
حساب
الليل يطول ما يطول
فجرك نهاره جاى
وهتتفتح
ابواب
ما يهمكيش
ليست هناك تعليقات