انت اللى ميت والا ف الجنة انت الحى؟
واحنا اللى ف الدنيا قتلوا ف عنينا الضى
نبكى عليك والا نبكى على روحنا
الدم ده منك ؟ دى بينها جروحنا
سر ابتسامتك ايه؟
ياريت تقولى عليه
يارب توعدنا باللى انت حالا فيه
شيفاك ف كفنك لكن مفيش ف حسنك زى
لا كأن دقت الموت ولا حتى قلت الأى
نايم ومطمن والبسمة زاينة السن
قتلوك يا نور العين وانت صغير السن
سر ابتسامتك ايه؟
ياريت تقولى عليه
يارب توعدنا باللى انت حالا فيه
ربك وقالهالك انت الشهيد الحى
كشف الغطا عنك شفت النعيم الجى
يا عريس ومتهنى ف الجنة ويا الحور
وملايكة حوالينك بتطوف عليك وتدور
سر ابتسامتك ايه؟
ياريت تقولى عليه
يارب توعدنا باللى انت حالا فيه
بقلمى نجلاء نعيم
سر ابتسامتك ، بقلم / نجلاء نعيم
![سر ابتسامتك ، بقلم / نجلاء نعيم]()
مراجعة بواسطة
عبده جمعة مدير تحرير رؤية قلم
في
3:34:00 م
التقييم:
5
ليست هناك تعليقات