عصفور ضعيف للشاعره الهام شحاته
قول يا قلم
و ا فرش دموع
الحبر من فوق السطور
واحكى الحكاية من جديد
خللى النجوم
والخلق تسمع
قصتى
عصفور ضعيف
الدنيا ليه متبسمه
وانا قلبى خايف
م الحقيقة المؤلمة
اخلع همومى
عن الكتاف
واضحك وانا
ف عز الخريف
ولا حد سامع
ضحكتى
عصفور فؤادى يطير
ويطلع فى السما
يرقص مابين
كل النجوم
ويكحل النور بالوفا
أنا كنت مشتاق للدفا
لا الليل يدفينى ولا
طلعة نهار متشقشقه
وانا لسه طاير فى السما
عصفور صغير
مالى كل الدنيا دى
بالزقزقه
وايش يعمل الريش الضعيف
فى وسط ريح
جوه الخريف
اكتب واحكى قصتى
بس اقتناعى -
بالمعادلة الصعبه
قرر ينتفض
ويدق فى
قلبه السكوت
ويموت
يموت
ليست هناك تعليقات