للشاعر : الحسيني منير الشربيني عنوان القصيدة ضمير الوطن

                                                               غصب عنى ارفع سلاح

ياللي عشقت هواها
ودمي حاميها وروحي فداها
صابر ياغالية وصبري طال
يمكن ياغالية يتأخر نهار
علشان بحبك همنع شجار
بقتل اخويا اللي دمر ديار
لاجلك ياغالية الصبر طال
ع اللي باعك واللي جار
واللي خانك من عيالك
جمع علينا ولاد الحرام
صابر ياعمري طال الانتظار
لازم يا امي يشرق نهار
غصب عني ارفع سلاح
في وش مصري زود نواح
*********************************
دم ابنك دم جندك اصبح مبـاح
للي خاين واللي باع حرق الاراضي
دمر بيوت موت امـــــــــــــاني
فرح الجدود قتل الجنــــــــــــود
دمي سايل في كل الحـــــــــدود
ورد الجناين مات ع الغصـــــــون
دمع الحبايب غرق جفــــــــــون
جرح خدود امي وابويا والظلام يسود
لازم يا أمي نطلق اســــــــــــود
جند مصر لازم يســــــــــــــود
ع اللي خان ليقسم حــــــــدود
غصب عني ارفع ســــــــــــلاح
ع اللي باعني بدون سمـــــــاح
الاسم مصري ودمي ليه مباح
خلاص يا أمي هنسى السمـاح
لازم يا حبي يطلع صبــــــــاح
يحضن اغاني يحضن امـــــاني
يحمي اهالي بزرع السماح
بنشيد الكفـــــــــــــــاح
يزرع امان مصر الســلام
غصب عني ارفع ســـلاح
غصب عني هنسى السماح