بقلمي / جيهان فتحى \\\هي مصـــــر كــــــده :::
دي هي مصر كده
ياسمين وضل ريحان
لا تلتفت للعدا
لا تحن للي خان
تصرخ تقول يا نِدا
نفتح ليها البيبان
والصرخة صرخة أم
م القلب مقسومة
تقفل وريد الدم
تلقاها محمومة
وقت الشدايد بُد
كل النوايا تبان
كل النوارس صف
واقفة على الشطآن
واحد بحجة دم
ده عايزنا ليه قربان
والتاني دبح الأم
بشريعة الأديان
ياللي إنت عامل نبي
مين يقطع الشريان
كل اللي جه ع الهرم
كتبه التاريخ خسران
مش كل حد سكن
يتسمى م الولدان
وإزاي يبيعوا الدم
ونقولهم إخوان
دي هي مصر كده
وهتبقى مصر كده
أجمل ما ف الأزمان
خير الجنود ف الأرض
مذكورة ف القرآن
بلد الطيابة بجد
والرجالة الشجعان
ده احنا بنينا السد
وما سبنا حد جعان
مالناش ف لطم الخد
اتلموا يا جدعان
قولوا له مصر كده
درة فوق التيجان
برغم من ده وده
وأي كائن كان
ليست هناك تعليقات