( أنسيني .. ما بقتش أنفعك ) ـــــــــــــــــــــــــــــــــــــــــــ للشاعر / أحمد أبو شرخ
أنسيني .. ما بقتش أنفعك
أنسيني .. ما قدرش أخدعك
ما قدرش أكون
الداء في جسمك يوجعك
أو شوكة فيكي تعطلك وترجعك
عن بكره جاى لك بحكايات
أنسيني .. وأنسي الذكريات
ولوحد سألك يوم عليّه
قولي له مات ..!!!!
وبلاش يكون ألصمت ردك
د الحيرة دايما في السكات
وما تخافيش مش ها تشوفيني
د أحنا بينا بحور طويلة
وبينا أبعد مسافات
الزمان كان أقوي مني
موت لي قلبي وصار رفات
وطبع فينا الدمعة الحزينة
علي الخدود
و دبح لنا الأمل في بكرة
ماعتش لازمة
في الوجود
ها نعيش لأييه والذكريات
صبحت أليمة
والابتسامة علي الوجوه
صبحت عديمة
والحياة اسود لونها
وبكرة فيها
صارت عقيمة
وصدقيني أنا كنت بحلم
ابقي ليكي
وكنت نفسي أبوس خدودك
وأنتي حضناني ف أديكي
وكنت بحلم تبقي ليه
المراية أبص فيكي
القي نفسي ف أحلي
صورة بين عنيكي
وكنت عاوزك
تبقي دايما دنيتي
ومحطتي
مهما أشرق أو أغرب
أعود اليكي
وكنت عاوزك تبقي مينا
للسفينة
اللي تايهة ف الظلام
وتبقي ليها الفنارة
قبل ما يصبها الحطام
بس الزمان
كان اقوي مني
ماهننيش
خد الأمل وكل شيء
كان حلو فيا
وماعطنيش
أرجوكي مني ما تزعليش
د اللي مات فيه الأمل
وأصبح حطام أزاي يعيش
أنسيني وأوعي تزعلي
علي اللي فات
أقدار كتير بتنكتب
من الميلاد حتى الممات
مستحيل نقدر نغير
ف اللي جاى
ولا في اللي فات
أنسيني وانسي محبتي
والذكريات
ولو حد سألك يوم عليه
قولي له مات ..
و ماعدش منه غير شوية
ذكريات
مات وانتهي
ويا طيات الزمان
بس أرجو ما تظلميش
وتقولي خان
د أحنا كنا ضحية
واغتالها للزمان
د لأجل حبك والخوف عليكي
سجنت نفسي في ذكريات
وزرعتك أنتي جوا قلبي
ومسوره بمصفحات
ليست هناك تعليقات