....((( مين اللى قال ))).... ============ بقلم عونى هشام
مين اللى قال
ان انتى يامه
مش هنا
انتى اللى جوه القلب
وانتى حضن يلمنا
من كام سنة
لا قول آلاف
وانتى حاضنة ارضنا
الفرح ليكى
والخوف عليكى
فداكى عمرى ودمنا
انتى صبية
وانتى بهية
انتى عروسة عرسنا
لو تطلبينى
ابوس ايديكى
وان غيبتى عنى
مين يدفى حضننا
انتى الامانى والامل
وانتى اللى زرعة الحب
يجرى فى قلبنا
انا حبى ليكى
ملوش نهاية
حتى النهاية
ملهاش مكان وسطنا
انتى البداية لكل شئ
انتى الحياة
بتجرى فى دمنا
انتى هنا
وانا من هنا
اليوم فى بعدك
طول سنة
انتى رويتى الحب
انهار من حنان
وقلبك ضمنة
مين اللى قال
ان انتى توهتى عننا
اكيد جبان
او من مكان
تانى وماهوش مننا
يا مصر انتى
تاريخ حضارة
عمار منارة
مين ينكر حقنا
انتى يوسف والمسيح
انتى فى القرآن
اية تخصنا
ادخلوها آمنين
والامان محفوظ
بحكمة ربنا
انتى هنا
لازم تكونى
واللى مش عاجبة
يغور من وشنا
احنا ولادك
احنا جنودك
احنا الايادى
اللى هتبنى مجدنا
تعيشى يا بهية
وتحيا مصر امنا
تحيا مصر امنا
ليست هناك تعليقات