سيد صبيح----ببعت لك
ببعت لك
مع كل طلعه شمس
وضوء قمر
ببعت لك سلامى
وبقولك وحشتنى
واشتقت لك
ياحبيب عمرى وايامى
ياما على نارى
استنيتك تيجى ولاجيتشى
وتبعت لى طيفك يشغالنى
ويسبنى ويمشى
واسهر مع حيرتى واشجانى
والنوم يخاصم رمشى
وقول بكره يجى
فارد لى ايديه
ويضمنى لقلبه بسرعه
من غير ماانده عليه
واحلم اننا ماشين
مش حاسين
ولاعارفين ان كان
دا ليل ولانهار
وواخدنا الشوق على جناحه
والحب ناشر افراحه
والدنيا براح قدمنا
والفرحه ماليه قلوبنا
ولا حاسين بحالنا
وبنعدى بحور وانهار
لاحاسين بالشمس وحرارتها
ولا بالليل وسواده
دى نظره فى عيون حبيبى
شموع حواليا منقاده
واللمسه من ايديه
بتخلى الدنيا جنه
مليانه خضره وازهار
يازمانى استنا عندك
لما حبيبى يجينى
ونحقق سوا احلامنا
وعذاب السنين ينسينى
وح ستنا ياحبيبى عمرى
كله انك تيجينى
ليست هناك تعليقات