زي نور الصبح ، بقلم / محمد محمد الساعي

زي نور الصبح واضح

حبي ليكي وتنكريه

زي موج البحر عاتي ..

بحبي آتي .خايفه ليه؟

هوا يعني عشان بحبك

تبيعي قلبي وتشتريه؟

مانتي عارفه كل حاجه

يعني مش محتاج أوضح..

أو أصرح..باللي شايله جوا قلبي

إنتي أدرى الناس بحبي

وعارفه انه ما يتوصفش

عارفه اني بطبعي واضح

عمري يوم ماعرفت أغش

يبقى ليه بتجرَّحيني ..

وخايفه مني

وقلبك انتي يا حبيبتي

ليه ظالمني

دانتي ليا.. نور عنيا

فرحتي وكل اللي ليا

مستحيل اقدر بدونك يوم

أعيش

دانتي حبك ياحبيبتي

نار في قلبي

ماتنطفيش