ذكـريـات .. بقلم : بهاء الدين بدوي

مشوار بديته معاك 

وبديته إنت معايا 

وكان هوايا وهواك 

بيحكي أجمل حكاية 

بإيديك سقيتني الحنان

وكنت فرحي وهنايا 

وعرفت معنى الأمان 

وعزفت لحن غنايا 

وقلبي لما يناديك

جواك بتسمع ندايا 

وكان هديل الحمام

يشبه لغاك ولغايا 

وذكرياتي معاك

حنين وشوق جوايا 

وكان منايا رضاك 

وإنت كل رضايا 

وكنت أنادي عليك 

وإنت سامع ندايا 

وفي لحظة هنت عليك 

وسيبتني لأسـايا 

ماتقوللي إيه أساك 

وإزاي بتنسى هوايا 

وكأن كل اللي كان 

حدوتـة أو غنوايــة 

مشوار حياتي معاك 

أنهيته إنت معايـا 

ومهما تبعد وتقسى 

حبك قدر جوايـا 

~*~*~*~*~~*~*~