ادبح وسمى الله
وقول ديه شرعية
حزبي دا حزب الله
عدالة حرية
كلامي هو هداه
اسلام ووطنية
الكل والله فداه
وعنيا معمية
ادبح وسمى الله
وقول ديه شرعية
انا مرسى ليكو رئيس
م الرب انا هدية
اكون حليف ابليس
بالوعد والنية
للدم هفتح هويس
م الفتح لعدوية
واكون لمصر عريس
وتقولوا اسلامية
يا ارجع انا للقصر
يا يموت الوطن بيا
واصحابي وعشيرتي
عملين خطة ذكية
يتحاموا فى المسجد
وانتم دروع بشرية
رافعين رايات النصر
وجثثكم مرمية
فى الاولة وعودي
كذبة لكن حية
هعملكم م التراب
ذهب لكن ليا
الصحرا راح ازرع
قمح بدون مية
وفلوس ضاعت فى سنين
معايا انا جاية
ايه رايكم يا احباب
شفتو الوعود دية
ولا طلع كداب
والصحبة ديه خية
والصورة كانت ضباب
ووعوده منسية
لا عارف يبقى رئيس
ولا يحكم في يوم مية
ساب الزمام فى ايدين
اعوان كما الحية
لدغونا بين العنين
جعلونا لقمة هنية
ادبح وسمى الله
وقول ديه شرعية
ياللى ابتديت مشوار
النصر يا ابقى ضحية
انت اللى ميت اه
لكن مين الضحية
امنت اه من حقك
تحمى بفكرك قضية
لكن نسيت ديه قناة
فيها لغيرك غية
يقولوا شعار تهواه
وربك عالم بالنية
ارجع من الدوامة
اخرها بكى عليك وعليا
ربنا شاهد عليك
يوم الحساب بحسابل
للقلب والنية
ادبح وسمى الله
وقول دية شرعية
ادبح وسمى الله ، بقلم / أمل السيد
![ادبح وسمى الله ، بقلم / أمل السيد]()
مراجعة بواسطة
عبده جمعة مدير تحرير رؤية قلم
في
2:26:00 ص
التقييم:
5
ليست هناك تعليقات