إحتمال ، بقلم / وائل عبد المنعم

إحتمال كل إحتمال

يكون احتمال أخير

وإحتمال صبري اللي طال

يحررني منكم

ومرجعش تاني في يوم اسير

وإحتمال أنا مبقاش أنا

ولا اكون نبتة مروية

بدم نجم مطرود م السما

كل الداوير بايدكم صبحت مغلقة

وإحتمال فتحها تاني أصبح محال

رميتو بإيدكم

كل ممكن

ف بحور المحال

وابص في عينيكم ...

القي الدمع يحضن

الدم اللي جوايا سال

واحتمال ما أخافش تاني م الموت

ولا اترعش م الرصاصة اللي جايالي

ولا يرهبني شكل التابوت

ولا أقول سبوني أعيش

عشان خاطر عيالي

فاتحلك يا موت صدري

وصدقني مش هاعمل زي زمان

لما اشوفك أخاف منك وأجري

خلاص قتلت جوايا الشخص الجبان

واحتمال كل إحتمال

يكون إحتمال أخير

وإحتمال أموت في الميدان

وإحتمال أرجع تاني اسير