شعب الطيبين ، بقلم / أمل السيد نصر

احنا شعب الطيبين

مش هنسيب بينا لعين

يأكل لحم صاد وسين

يطعن فينا شمال يمين

ينهب ويخرب فى بلادنا

ويقولك مصلحة الدين

ارحم يا ربي الغلابة

م الفتن وكون معين

لعبادك الساجدين

احنا شعب الشاكرين

شاكرين رب العالمين

مش هنسمح يوم لفاسد

يرفع راية الفاسدين

داحنا اصلا اهل خير

وكرمنا زايد للغير

وبطيبتنا ادينا فرصة

يبلعونا الطامعين

بس احنا الشقيانين

وعرقنا بالفاس والطين

يوم ما نزرع ولا نقلع

نحمى طينا بننى العين

اوعى يا بني تنسى طبعي

او يغرك صمتي وصبري

اعرف اني للحق ايد

زى الصخر والحديد

وقت الحق بكون شديد

لا يخوفني قتال ووعيد

أنا اصلا أدها وادود

والعزم عندي ماله حدود

فارجع بقى للحق وعود

مش راح تقدر ع الاسود