هى دى مصر ...بقلم : حسن توفيق

هى دى مصر أميرة النصر
أرضها خضرة فى كل عصر
أقل حتة فيها تسوى قصر
هى أم الدنيا .. هى مصر
لياليها لحد الفجر
قمرها نور كل بدر
معيشانا دايما فى صبر
معاها هانعبر كل جسر
هى فرحة يوم العيد
تمام زى عدية سعيد
وكل ثانية لابسة جديد
شبابها أقوى من حديد
مزارع . مصانع . دهب
تجارة . سياحة . أدب
فنون الحضارة . نخب
موسيقى . أشعار . كتب
هى دى مصر بدر البدور
تشوف فيها نيل وبحور
جنودها أسود ونسور
تعيش وانت فى سرور
...................................