الشاعر عبدالهادى الشعراوى...............................................\\سهرتنى
سهرتينى ايام وليالى
مع قمرك ابو ضوء بيلالى
خليتى نجمى يضىء ف العالى
من غير خوف ولا حتى يبالى
انت الحلم اللى اتمنيته
من صغرى هويته وحبيته
مين غيرك هيخلى ايامى
بالافراح تعود من تانى
وتخلى الازهار تتكلم
وتغنى فى رحاب بستانى
ياحبيبتى انا هفضل افكر
فى عيونك يمكن لى تقدر
وتجينى وتخدينى بايدك
ونطير وقلوبنا تكبر
انا مستنى وحلمى معايا
وطيفك سهران ويايا
امته هيبقى الحلم حقيقة
واغنى وتردى ورايا
حلم ياعمرى وهفضل احبك
مهما داريتى عنى ف حبك
دا انت الحب اللى بوجدانى
مين غيرك اقوله بحبك
سهرتينى سهرتينى
وسكنتى قلبى وعيونى
وبقيتى كل الاحلام
فى حياتى فرحة تكوينى
سهرتينى
ليست هناك تعليقات