همسات ، بقلم / محمود وحيد

بنتدارى

فى حضن الصمت

ونتحايل

على دموعنا تسكت

همنا فينا

وصوت الجرح

يوجعنا

بأهاته وأناته يلوم لومنا

على

حالنا يبكينا

تجرجر فينا

خطاوينـا

لسكة حلمنا التايه فى

درب الخـوف

ونتعكز على بكرة ونتمنى

نهار مكشـوف

وجوة قلوبنا احلامنا

بتتوجع

على الأيـــام

بتغزل دمعها طرحة

وللفرحة

تنادى سـلام

واااااه يا شمسنا فينك

وفين ضيك

وفينك يا بدر ليلنـــــــا

ومين ذيك

يداوى الجرح جوانا يطفى

الشوق

ونلقى لصمتنا اخر وامتى

نروق

تمد الدنيا اياديهــــــــــــا

تصالحنا

تطبطب ع الهموم حبـــــة

تفرحنا

تنسينا اللى كان منها

وشيب فينا

ايامنـــا

وتكشف سكة التوهه

من التوهه

تريحنا

نعدى الليل بحلم

الصبح

من تانى

ونرسم فى العيون

بسمة

ونرجع اهل

من تانى

ما نتدارى فى حضن

الصمت

ولا خوفنا يخوفنــــــا

ولا نحايل دمــــــــوع

عينا

تحايل شمسناتشوفنا

نودع امسنا فينــــــــا

وتجمعنا خطاوينـــــــا

ونحضن بكرة

باشواقنا

نخلى الحب غناوينــــا