عصفور سجين بقلم / شاديه ياسين
عــــــــصفور سجين
محبوس من سنين
بــــيدور على الحريه
بـــــس الحريه فين
الــــــــقفص مالوش
و لا حــــــــتى باب
و الــــــــعصفور تايه
بين غربه و عــــذاب
عاش العصفور سنين
فـــــــــى قـــــفصه
مستنى حد يفُك أسره
بص حـــــواليه ملقاش
غير ســــــــــــــــواد
الدنيا ضلمه و كلها خراب
فـــــــــــــــضل العصفور
الـــــــــسجين محتار
قـــــعد يفكر و أخد القرار
و القرار كـــــــــــــــــان
فـــــــــيه حياته و موته
قرر يسمع للكل صوته
صرخ العصفور بأعلى صوته
خراجــــــونى من القفص
أتـــــــنفس حــــــــــريه
مــــــــــحبوس يا عالم
و أنـــــــــــــا الـــضحيه
الآسم عايش بس فى قفص
و الــــــــــــــجانى يا خلق
بــــــينعم بالــــــــــــحريه
سمعُه الحارس طخو بالبندقيه
نشن بأبتسامه كلها وطـــنيه
قتل العصفور و راح ضــــحيه
فرح الحارس بأنــــــــتصاره
و رئيسه كان فى أنــتظاره
علقله نجمه و قالو تمام
كل لما تقتل عصفور لى صوت
تترقى و تاخد نجمه كمان..
ليست هناك تعليقات