حلمى قاسم..///\\ "رمشِك خطر" *******
قالي كلام ......مافهمتهوش
قاللى معاك عمرى ....ابتــــدى
واللى مضى .....ما عشتهوش
انا قولت واشمعنى انا
مع انى واحد من....وشوش؟!!
قالى بنبرة حنينه
إنسى السؤال .....ماتكرروش
اوعاك تعاتب حبنــــا
حلمك عليه ......ماتجرحوش
وتعالـــى نبنى عشنا
سيب اللى فات....ماترجعوش
انا قولت بسهوله كده
نبقى ســــــــــوى !!
اهو ده كلام ......ماصدقوش
الحب مش كلمه ف غُنا
ولادندنه...ولا حتى نظره حنينه
الحب اصعب من كده
مهما حكينا.........مانوصفوش
قالى انت ليه قلبك حجر
نظرة عينيك ما ......بيرحموش
يا سايبنى وحدى للقدر
ارحم هواك.......... ماتعذبوش
انا قولت لُه حبك خطر
قلبى ضعيف .......ماتهدهوش
ابعد وسيبنى يا قمر
انا اصل مش قد......الرموش
ليست هناك تعليقات