يا محلاكي ، بقلم / المدثر بن يحيي‏

يامحلاكى يامحلاكى

ياغاليه عليا بهواكى

يا أقرب ليا من نفسى

بتنسينى مابنساكى

يامحلاكى يامحلاكى

عرفت الحب من صوتك

كلامك ليا وسكوتك

تحبينى وأهواكى

وتنسينى ما أنساكى

ولو فكرتى يوم تأسى

تلاقينى أسى معاكى

ولو فكرتى يوم تهوى

أنا أصلا مابنساكى

أنا أصلا مابنساكى

يامحلاكى يامحلاكى

غرامك ليا جننى

أنا شايلك مع الننى

دموعى لو مديقاكى

ماتنزل عمرها منى

عيونى وهيا حضناكى

تفرحنى تطمنى

لو الشمس دى بتدايقك

أروح وأطفيها بأيديا

ولو العمر جرى منك

خدينى وكملى بيا

أنا منك وبهواكى

وقلبى مكانه جواكى

بيحميكى بيرعاكى

بينسانى ماينساكى

ولو فكرتى يوم تأسى

تلاقينى أسى معاكى

ولو فكرتى يوم تهوى

أنا اصلا مابنساكى

أنا أصلا مابنساكى

يامحلاكى يامحلاكى

يا أحلى عندى من نفسى

يا غاليه وأغلى ماعندى

ياورده زينت وردى

يانسمه جميله بتعدى

على رمشى وعلى خدى

ياريتك تفضلى جنبى

ويتجمع خير القلبين

دى من قلبك دى من قلبى

وتبقى الدنيا بالأتنين

هنايا وفرحتى وسعدى

وأنا منك وبهواكى

وقلبى مكانه جواكى

بيحميكى بيرعاكى

ولو فكرتى يوم تأسى

تلاقينى أسى معاكى

ولو فكرتى يوم تهوى

أنا أصلا مابنساكى

أنا أصلا مابنساكى

يامحلاكى يامحلاكى