بتبعد ، بقلم / محمد حسن فرغلي‏

بتبعد ليه كتير عني

وتغضب ليه كتير مني

وانت حبك أثرني

وتسيبلي قلبي يألمني

وتجرحني وتألمني

وبأتمني تكلمني

وكلمة واحدة تعلمني

وأقولها ليك من قلبي

لو فض الحبر من قلمي

الكلمة تحتوي قلبي

وأخلي حبرها دمي

وارسم بالامل صورة

وألونها من دمي

واقول الكلمة بلساني

وعيونك تبقي ملكاني

ما أنا شايلك في وجداني

وعمري ما أتوه في عنواني

دا قلبك هو أوطاني

وبأ أحلم بالامل بكرة

تكون مابين أحضاني

وعيونك دنيتي وأملي

ياأغلي لحن بألحاني

ومهما غبت انا عنك

عيونك تبقي حرساني

وتحميني وتديني

أمل يحييني في زماني

ياكل الكون دا مهما يكون

مافيش غيرك سكن

قلب ووجداني