انعيك يا ولدى ، بقلم / عونى هشام

اه اه اه يا ولدى

قتلوك وقتلونى معاك

معقولة دولة بشر

عملوا كده ليه وياك

قلبى عليك انفطر

عمرى ما يوم انساك

دموعى بلون دمك

يا رينتى كنت فداك

واشيل معاك همك

هاتولى سبب قتلك

هو انت كنت عميل

ليه انهدر دمك

دا انت مصرى اصيل

ودايما حاضن ارضك

صبرا صبرا جميل

ودعتك جوار ربك

يا قاتل عليك الله

ابنى عملك ايه

قتلته قولى ليه

فيك قلب مسلم

وليه تمثل بيه

ياربى انت الله

فوضت امرى اليه

اه اه اه ياولدى