شهر الادب ، بقلم / عونى هشام

شهر الادب والتقوى

شهر الهدى والنور

للحب بيكون سبب

والخير يكون ميسور

شهر صيامة انكتب

والحكمة فيها بحور

شهر آياتة كتير

نزل فيه القرآن

فيك رحمة فيك تيسير

والتقوى للرحمن

روايحة فيها الخير

بالعلم والايمان

كان فيك يا شهر عبور

ع الظلم والطغيان

وبنصر كان مأثور

يوم عشرة في الاذهان

رسمنا طريق النور

وعقيدة في القرآن

هنصلى فيك ونصوم

وهنقرا في الكتاب

في المسجد نقف ونقوم

والكل فيه احباب

ارجع لنفسك قوم

انا وانت لسه اصحاب

خليك اديب ومؤدب

اسمع صوت الآذان

بالصوم هتكون مهذب

وبتلاوة القرآن

الخير هيملى قلوبنا

ولا يوم في حد يلومنا

لما تقول يا رب

هتنول رضى الرحمن