اعترف لك ، بقلم / محمد الشرقاوي
اعترف لك
اني خاين قبل منك
خنت عيونك ويا شفايفك
غنيت لهم احلي كلام
كانوا وهما بين شفايفي
عايشين اجمل سلام
واعترف لك
اني مش ممكن اقول بحبك
لاني عاشق
الحب عندي كان مرحلة
اتعدناها من زمان
واعترف لك
ان قلبي راضي عنك
كل ثانية يدق اسمك
ينادي عليه ويعيش معاه
يقظة ومنام
واعترف لك
ان صورتك جوة دمي
ضرورة بحتة
زي الكالسيوم للعظام
واعترف لك
اني دلوقتي بكتب لك
ومن غلا وتك مش لاقي
حروف توفي بقيمتك
لانك فوق كل الكلام
يبقي كفاية اني اختم
بس خليني اودع شفايفك
بأغلي لحظات الغرام
بأجمل سلام
ليست هناك تعليقات