استنيتك -------- بقلم الشاعرة سميرة الاسريجى
واتمنيتك
تييجى بكلمه تطل عليا
كل شويه اقول هايجينى
ييجى واشوفوا بطرف عنيه
واستنيتك واستنيتك
ليه طوبل الغيبه عليا
قلت ضرورى غيابه شويه
راح بيجبلى الورد هديه
او يمكن مشغول مش فاضى
بس اكيد بيفكر فيا
ويصرخ قلبى وتبكى عنيا
ليه الغالى بياسى عليا
يمكن ناسى معادى معاه
وانه وعدنى اكون وياه
وكل شويه يدق ف قلبى
وتطلع دقة شوق للقاه
قلت ياريتنى ماكنت انا سبته
يبعد عنى واستناه
وكل شويه اصبر قلبى
واقولوا هاييجى انا حساه
واستنيتك ليله بحالها
بكل المها وكل مررها
حتى القمر اللى منورها
جه لعيونى وبيصبرها
قلبى خلاص تعبت دقاته
بعد ماعدى اليوم وسعاته
واللى وحشنى ناسى معاده
حتى الحلم اللى اتمنيته
ضاعت فرحتى بيه ونسيته
قلت هنام وضرورى اخاصمك
لكن بردوا هاسمع عذرك
يمكن اقدر انى اسامحك
فجاءه لاقتنى صحيت ما النوم
على صوتك بيقولى بحبك
قالى حببتى اخدها النوم
وانا مستنى وقاعد جمبك
خبيت خجلى فى حضن عيونك
ولاقيت قلبى بقى مجنونك
--------------
ليست هناك تعليقات