شـــــخـــــابيـــــــــــطـ ،، بقلم / جيهان فتحى

مع شخابيط القلب الأبيض ع الكراس ..

حاول تسلم بالإحساس ..

إوعى تسلم نبضة يتيمة لإيد الناس ..

إوعى تسيب حلمك ينداس ..

~*~*~*~*~*~*~*~*~

مع شخابيط الحزن القاطن ف الألوان ..

إوعى توافق إنك تحيا زمن متهان ..

عيش ف الموجة لفوق إنسان ..

خللي اللون الفاصل حق ..

مهما اتقوت القضبان ..

~*~*~*~*~*~*~*~*~

مع شخابيط الدمعة الحايرة فوق الرمش ..

ياخد حقي يحلف إني خلاص ماهنمش ..

إوعى تسيبها تسيل على خد مابيعشقش ..

عيش الدنيا بنور وإيمان إما تسيبها دي ماتتعش ..

~*~*~*~*~*~*~*~*~*~