مرسالك / بقلم محمد محمد الساعي
وانا غرقان في بحر حنين
ومش عارف طريقي منين
وتايه حتى عن نفسي
باكابد شوق بقالي سنين
وبحلم .. طيفي ييجي يوم
على بالك
والاقي الفرحه جيالي وجيالك
ساعتها بس .. قلبي بِحُب
راح يسمع لمرسالك
****
سمع قلبي كلام قلبك
ومرسالك
وجيت فرحان تقولي الناس
هنيالك
قريت بين السطور آهاات
وقولت بالعيون حكايات
عن الماضي وع اللي فات
ومين بيغني .... موالك
ومين يصعب عليه حالك
وقد العمر مايعدي
وقد ماشفت في حِلَّك
وترحالك
وقلت بشوق ..
- وبيها ختمت مرسالك -
بحبك ياللي في الدنيا
مافيش زيَّك ولا مثالك
ساعتها وبس حسيت اني
طاير قلبي م الفرحه
وقام وبلهفه ونادالك
خلاص يا حبيبي مانا قلبي
سمع – وبحُب - مرسالك
ليست هناك تعليقات