عاوزه اكتب ، بقلم / سميره الاسريجى

عاوزه اكتب

بس مش عارفه الكلام راح منى فين

قلمى انكسر سنه ولا عشان قلبى حزين

ولا الورق زعلان

عشان دموعى خلته زى الغيطان

مرويه لاكن زرعها ماهوش شبعان

طب همى انتى ياكلمتى ودقى البيبان

نفسى اشوفك ع الورق او ع الحيطان

قولى وعلى صرختك -- وانا اوعدك

هافتح بيبان القلب ليكى وافوتك

يلا بقى فين حضرتك -- مشتاقه اكتب غنوتك

مشتاقه اسمع جرت السن الرفيع ع الورق

قلبى اتحرق على عمر ضاع منى اتسرق

يلا اكتبى كلمة وشقى خط العمر شق

واللى اتعمل كأنه بيت شعر اتحرق

يلا احضنى سطر الورق

هو صديقك الاحق