لو منعوا صوتك م الكلام
خليك حضارى
لو وقفوا ضدك ع الدوام
خليك حضارى
لو قالوا غضبك مش نظام
خليك حضارى
لو فرقوا كل اعتصام
خليك حضارى
* * *
لو قتلوا فيك بكره اللى جاى
خليك حضارى
لو قالوا إحنا مالينا زي
خليك حضارى
لو طفوا فيها كل ضى
خليك حضارى
لو دبحوا فيها كل حى
خليك حضارى
* * *
لو عمر عدى وماله لازمه
خليك حضارى
لو قالوا رأيك برضه أزمة
خليك حضارى
لو ضربوا ابوك فى يوم بجزمة
خليك حضارى
لو قالوا انتوا ماليكوا لازمة
خليك حضارى
* * *
لو جم ف يوم وجرجروك
خليك حضارى
لو حتى ياما هايسحلوك
خليك حضارى
فى أوضه ضلمه فى يوم رموك
خليك حضارى
فكل حته يكهربوك
خليك حضارى
* * *
لو عاشوا ياكلوا فيك سنين
خليك حضارى
لو قلت حقى ... وقالوا فين ؟
خليك حضارى
لو شفت شعب سنين حزين
خليك حضارى
لو قلت اااااااااه وقالوا مين ؟
خليك حضارى
خليك حضارى ، بقلم / ياسر فؤاد
![خليك حضارى ، بقلم / ياسر فؤاد]()
مراجعة بواسطة
Unknown
في
6:19:00 م
التقييم:
5
ليست هناك تعليقات