بلاش ، بقلم / محمد حسانين

بلاش عنف بلاش

مصر إديتنا كتير

ليه دمها ينزف بلاش

بلاش تبقى العداوة بينك وبينى

أنا أخوك وجارك وصاحبك

وفي عهد بينك وبينى

ولا مبقاش

ليه صراع السلطة بين الوحوش

يعمى عينك وعينى

ليه الفرقة والتصادم

وسعوا الفجوة بينك وبينى

ليه تسمع لهم

ليه تكون ترس فى ماكينة دمار تحصدلهم

أرجوك بلاش

يا مصربلاش دموع!!

إصرخى على الولد الموجوع

أقولك بلاش

إصرخى على ولادك

بصوت مسموع

مصر بتضيع من إيدينا

ونوافير الغضب صمت آذنا

وعمت عنينا

الكل هايج

الكل خايف

الكل بيصرخ من الألم موجوع

معقولة لسه محسناش

بلاش دموع بلاش

قالوها زمان لو بتحبها

بلاش تحرق أرضها بلاش

إنزل وعن رأيك عبر بتحضر

بلاش بنار الجهل تحرق وتدمر بلاش

يالى قاعد على الكرسى مغرور ومتكبر

فتح عنيك العرش بكرة رح ليه تخسر

وبكرةبركان الغضب فى وشك يتفجر

ليه ساكت

ليه صامت

لو السلطة هتحرق بلدك

علشان فى دماغك غرض

صدقنى مصر ندمانة إنها جابتك ولد

حتى العتاب فيك هيبقى خسارو ولو ببلاش

يا مصر

يا بلد تبكى عينى دموع منزلتهاش

تبكى تقول موجوع تصرخ تطلب مدد

انتظرت كتير والمدد مجاش

صراخ ودم مالى الشوارع والزقق

نار حرايق غضب

معقولة مصر بقت شوية حطب لاء بلاش

بلاش

يا مصر يا اهم الهرم

هرمك إنزل وهرم

حتى أبو الهول بكى صرخ

حس بندم

وإحنا لسه محسناش

طول عمرنا بنبنى

ايه ال جد وبقينا الالات دمار

مين اشغل للفتنة نار

مين اذن بساعة الصفر للدمار

مين الى قسم

وحزب وفرق

وعملنا ميت عصبة

معقولة لسه معرفناش

مين الى قفل علينا ابواب الدار

طول عمرنا شبابيك وابواب مفتوحة

مين سرق من الشمس نورها

مين قتل الأمان

وخنقك الفرحة فى عيون طفلة بريئة مدبوحة

مين سرق الفرحة من عروسة ليلة زفافها

وقتل عريسها ودمر فرحها

مين الى شردك يا فرحة

ومن بيوتنا خوفك

مين قفل علينا باب الامان

مين يا مصر

أقولك ولا أسكت أحس بلاش