بحبك يا مصر ... بقلم / حلمي قاسم

بقلم / حلمي قاسم

 

بحبك يا مصر"
****
ااه يا مصر و منك انتـى
مــن سكوتك من جنانك
لما تآســـى وتجرحينى
... واما بشرب كاس حنانك
واما اقــــول كلمة بحبك
واما ادوق الويل عشانك
اه يا سمره من عيــونك
ورد خدك سحر لـــونك
من هواكــــى لما تصفى
واما بتزيدى ف شجونك
***
اااه يا مصر وانتى عمرى
دفء شمسى و ضى قمرى
حبك انتـــــى لوحده كافى
ياللـــــــى حضنك ليا دافى
بيداوينى من الآمــــــــــــى
وابقى جنبك لـــــــو تخافى
اه يا ساكنه جوه منـــــــى
حتى وانتى بعيده عنــــــى
شاغله بالـــى وزى ضلى
ومش مفارقانـــى تملـــــى
***
وااااه يا قلبك لمــــا يتقل
لما ينسانـــــى وما يسأل
لما اتــوه انا جـــوه فيكى
واما اضيع انا وبأيديكــى
وتلاقينــــى بحن ليكــــى
ومش ببيعك مهما يحصل
وازاى ابيعك !...هو انا اقدر
انتــى حبى ونبض قلبــــى
حته منــــى وعايشه همى
مهما اقـــــــــولك او اعبر
حبك انتــــى فــ قلبى اكبر