أنتي ايه ... بقلم / محمد الشرقاوي

بقلم / محمد الشرقاوي

 

انتي ايه مفيش احساس
بتلعبي علي الوتر الحساس
وقت زعلك تجيني
... ووقت فرحك تنسيني
هو الحب في نظرك ايه
رشفة كاس
ما تبصي في عيون الناس
تلقي فيهم عينك وعيني
حتلاقي مكتوب قصتي
حتلاقي في عينك دمعتي
حتلاقي حكاوي العاشقين
من قيس لبهية وياسين
حتلاقي كلام كثير مرصوص
ماتساوي قيمته اي نصوص
ولا عمره ينباع بفلوس
ده كلام بدم محبتي
انتي ايه مفيش احساس
لكي ناس أه -- ولاء لناس
حلفتك بالمرسي ابو العباس
ياتنسي طريقي وسكتي
ياتعيشي حزني وفرحتي
انتي ايه مفيش احساس
قلبك قفلاه بترباس
ولبس شيك من غير مداس
ضحكتك ضربة رصاص
المهم تقتلي وخلاص
ياشيخة وطي مظلتك
دايما كده بصة لفوق
تتغدي بط مع مرقوق
مش عاجبك ولا مخلوق
بكرة تحلا --- بكرة تروق
وتيجي تاني محطتي
انتي ايه مفيش احساس