صوتك .. بقلم / سحر جمال حبيب

بقلم / سحر جمال حبيب

 

صوتك مليـان حنان
قوة رجولة كبرياء
... و إنت حزين فرحان
صوتك أجمل غناء

حبك شوق .. حنيّة
مليان فرح و أحزان
همسة صوتك أغنية
كلماتها من الألحان

صوتك جنة و نار
هنا و فرح و سعادة
بصراحة دافي كمان
مشتاقة ليه بزيادة

صوتك بر و أمان
عيشني معاه بإحساس
أخدني بــــ الآحضان
من شوقه دبت خلاص

صوتك مالي الدنيا
وواخدني من الأحزان
صوتك ضحكة حزين
و دموع قلب فرحان

صوتك همسة حنين
همسة شوق وعتاب
صوتك همسة آآآنين
دموع و ألم وعذاب

بشتاق لصوتك آه
بيدوبنى فـــ آهات
عقلي مني تاه
عايزاك طول الأوقات

بعشق صوتك أناااا
بعيش علىَ همساته
قلبي يسمع صوتك
بتزيد قوي دقاته

آه ياللي بحبك آه
زي م بحب صوتك
و بحب كل كلامك
بعشق كمان سكوتك