كل خطوة بقلم الشاعر محمد الشرقاوي
كل خطوة
كل خطوة مشيناها ينكتب
بيها في العشق تاريخ
كل كلمة نطقناها كانت
تداوي مليون جريح
كانت عيونك قبل ما اسأل
تجاوب
كان كلام الروح بينا دايما
صريح
كان همس المشاعر اقوي
من همس الشفايف
كان وكان --- وغيره كثير
لحظة ألم -- ونهاية وفراق
لما بقي صدقك رياء
سألتك في واحد تاني
قلتي لاء -- بس انساني
انسي اسمي
انسي صورتي وعنواني
انسي ازاي والطعنة منك
دي بأيدك مش غصب عنك
انسي اسمك يبقي
انسي اسمي كمان
انسي صور تك يبقي بنتقم
من نفسي شر انتقام
انسي مكانك طيب فين
حألقي لي مكان
مقدرش انسي
ولا يمكن انسي
غدرك انتي اللي ااقوي
من غدر الزمان
كل خطوة
ليست هناك تعليقات