حديث مبارك للمتظاهرين ... بقلم / طارق فوزي

بقلم / طارق فوزي

 

حديث مبارك للشعب قبل ثورة 25 يناير مباشرة

يا شعبي الحبيب الصبور المهاود
جرالك ايه ما طول عمرك مهاود
مفيش شغل جرى ايه عادي
... في ايه لما نفرق بين الدويقة والمعادي
وليه تزعل لما ظابط يديك على قفاك
مفيهاش حاجة وإياك تزعل أو تعادي
عاوز شقة تعمل ايه فيها
روح شوفلك خيمة في أي وادي
أعطيتك حرية عشان تقول رأيك
وقول زي ما أنت عاوز حادي بادي
وشوف مين يعبرك أو يسأل فيك
أنصحك تاخد علاج يخليك بارد وهادي
عملتلك دوري كورة جامد ونار
وشوف مشاكل الدوري والكاس والنادي
خليك في الكورة خليك في السيما
مالك انت ومال ايراد القناة السنادي
يالا منك له روح بيتك وسيب التحرير
أنتم مش قد جبروتي وغضبي وعنادي
ولا خليكوا تتسلوا شوية وتغنوا وتهيصوا
بس بلاش تغنوا نشيد بلادي بلادي
وعارفكم بالاسم كلكم واحد واحد
وسلام بقا وكفاية كدا الليلادي