في شرع مين ... بقلم / جيهان فتحي

بقلم / جيهان فتحي

 

لفيت على الأديان ..
أسأل ف شرع ده مين ..
... قلب البرئ يتخان ..
والاسم بني أدمين ..
♪♠♪♠♪♠♪♠♪♠♪

ردت عليَّ بتول ..
تصرخ ف ليل مشلول ..
والصرخة مكتومة ..
هو إنتِ ما شوفتيش ..
فتحوا عليَّ هاويس ..
قالوا منيش طاهرة ..
ومخاضي ع الشجرة ..
والحسرة محفورة ..
♪♠♪♠♪♠♪♠♪♠♪

طب روحي للطاهرة ..
ودموعها م القهرة ..
صبت جداول دم ..
بالغش سبوها ..
بالشوك جرحوها ..
والنزف ما يتلم ..
ده ف كل أديانا ..
الحب عنوانا ..
مش غدر يحضن ذم ..
♪♠♪♠♪♠♪♠♪♠♪

يا خلق دلونا ..
طب ليه تغشونا ..
وتلبسو لنا قناع ..
طب روحوا إسلامنا ..
ولا اسألوا يوحنا ..
هيردوا بالاجماع ..
دينا مفهش وشوش ..
ولا شغل حلق حوش ..
ولا قلب نبضه خداع ..
يا خالق الزهرة ..
والنبضة والجمرة ..
ما تخلي بنا ضياع ..