بحبك ... بقلم / حسام الريس

بقلم / حسام الريس

 

بحبك
يا نور عيني
... وفى قلبي ليكى
قد الجبال ود
بحبك
حتى اسألي حروفي وكلامي
واسألي همس الليالي
وقمر سهران
معاه ببعتلك هيامي
وشوق كبير غير لي حالي
شغل فكري وبالي
خلاكي غنوتي وموالي
بحبك
وحبي ليكى جنون
قدامه طريق حرمان
وبحار عذاب
ومليون حد
بحبك يا للي أنا محروم منك
يا لي همي من همك
يا توأم روحي وكل عمري
ياللي قربك هو السعد
بحبك حب استحالة يكون
مكان يجمعنا
جنة ندخلها
نور قلوبنا يُغمرها
فرحة تُسكنا
كنار يغني لنا
بحبك
حب قدر ووعد
انتِ لىَّ حبيبة
مهما طال البعد
بحبك طوفان
عايز يزيل السد
وبجناح اللهفة يجيلك
وجوا كي اتخبيه
يا قمر
يام خدود ورد
حب بيتمنى
يقتل غول شتات
اليوم والأمس
بحبك والجنون مشواري
مدام الفراق
عنواني وداري
بحبك وبحبك بقيت
تايه مجنون
دا كلام حبيب بيقول سر
يمكن يوصلك
ويمكن يبقى مجرد كلام