مش عايزة حد يكلمني بقلم \ سحر جمال حبيب
مش عايزة حد يكلمنــــــــي
كل القلوب قاسية عليــّــــة
سيبوني بقىَ عايشة لوحدي
وِ دمعى واقف فـــِ عنيّة
كلامكم عمره ماهيفيدنى
و لا عاوزة منكم حنيَّة ..
ماحد فيكم شاف حزنى .
أو حتى يوم خد بإيديّة
خلاص يا قلبي هعيش وحدي
و أمسح بإيدي عذاب جرحي
انا ياما شفت سنين مرة
و عشت أدوَّر على فرحي
كلامكم ناره بتحرقنى
فاكـرينه ممكن يسعدني
ده البعد عنكم بقىَ جنة
هعيشها وانتوا بعيد عنى
ليست هناك تعليقات