غادة ... بقلم / طارق فوزي

بقلم / طارق فوزي

 

جـميلة الجميلات ده معنى اسمك يا غــــــادة
خفـــــة الدم لايق على اسمك وسكـره زيادة
الكاميليا اسمــــــك سبقهـــا يا غادة الكاميليا
التاريخ هيفضل فاكره كـــــده دايماً كالعــــــادة
... أجمل بنات رشيد اللي اتجوزها الفرنسي مينو
وسموها غادة الرشيد التاريخ لنا كله افــــــادة
ياللي لفيتوا العالم بتدوروا عن سحــــــر الجمال
بلادنا دائما للجمال والدلال والرقــــــــــة ولاده
حروف اسمك لحن وكل حرف منه وله معنى
اسمك نغم من غير موسيقى واسمك له رياده
الغين : غناء العصافير بتردده كل طيور الحب
الألف : ألحان العود والناى اتلحنوا بكل هواده
الدال : دق الدفوف ترحب بوجودك في الحياة
التاء المربوطة : تاج العفة والأخلاق والسيادة
جمعت حروف اسمك غادة في بوتقة من ذهب
أتمنى تعيشي ويكون الذهب تحت رجلك سجادة
وأدعيلك براحة البال وهى أغلى من كنوز الدنيا
يارب يسعد حياتك طول العمر تعيشي في سعادة