مغمض ليه؟ * بقلم : وفاء أحمد
مغمض ليه؟
حاسس بخوف
طيب بس حاول
و جرب تشوف
لا انا من النظر اكتفيت
لانها تايهة الملامح
و قبل كده تاهت كل الحروف
و هى يا دوب وشوش
على قد ما هى الوف و الوف
متحسش فيها بشىء من الكسوف
و نفسى الاقى شىء عفيف
و كل ما احلم بانسان شريف
يقع منى حلمى
زى اوراق الخريف
و اتمنى اتنفس هوا نضيف
و يكون معايا حق الرغيف
و لما اتعب علشان مفيش
ابكى شوية و انام خفيف
يمكن فى حلمى
الاقى شىء ظريف
يجينى كابوس و اقوم مفزوع
و اقول حتى المنام
بقى شىء مخيف
ليست هناك تعليقات