تعالى يا فرح ... بقلم الشاعر / طارق فوزي

بقلم / طارق فوزي

 

ما تعبتش يا زمان من تعذيبنا
هتاخد ايه مننا تاني
عاوزين بقى من الفرح نصيبنا
...

ولا فرحنا عندك بقى فاني
=====
يا فرح أنت فين رحت فين
حجبك ليه عنا الزمان
نصيبنا بس بكاء العين !!
تعالى حتى ولو ثواني
يا فرح تعالى ما تخفش الأنين
تعالى يا فرح ولك الأمان
تعالى دي دقيقتك عندنا سنين
وخد روحنا عندك ضمان
=====
ليه يا فرح بتتعالى
هات ضحكك معاك وتعالى
اسعد قلوب حايرة حزينة
قلوب هايمة لكن سجينة
قلوب عذبها زمانها
وحط الحزن مكانها
وأخد الأمل ليه ؟
سألناه أخده ليه
رد بالحزن علينا
وسمعنا رده ومش بأدينا
قال نصيب عليكو مكتوب
ونصيبنا نودع المحبوب !!
وما يرجعش غيره محبوب
وخلاص هنرضى بالمقسوم
وأكيد الفرح هييجي في يوم