مصر باقيه ** بقلم : هــــــــشام عوض
صدقوني لسه برضه في امـــــــــل
من سواد الليل بيطلع نور قــــــــمر
يجي فجر جديد مدام الليل كـــــمل
بعد زرع الخير هنحصد يوم ثــــــــمر
*************************
اه يامــــــــــــــــــــــــــــــــــــــصر
تعرفي ان بعد العسر يـــــــــــــسر
اثبـــتي بعد كل كبوه نصــــــــــــــر
واسبقي منتي سابقه بكل عـــــصر
*************************
رغم ان العتمه فارده في الــــــــبلد
انتي عارفه النور اكيد راح يتــــــــولد
انتي واثقه بان ابنك كالوتــــــــــــــد
طول حياته في مواقفه كان اســــــد
*************************
اللي شايفه قصاد عينيه مش جديد
طول تاريخك وانتى اقوى مـ الحــديد
لما تعلي يبقى غيرك مش ســـعيد
لما تقوي كل ظلم راح بعيــــــــــــد
*************************
انتي حق ومهما يغفى راح يــــقوم
هما ساعه وانتي باقيه لكل يـــــوم
راح يروحوا زي غيرهم عـ العمــــوم
اصل ربك قال رباطنا راح يــــــــــدوم
*************************
أيام وأحـــلام ( هــــــــشام عوض )
السبــــــــت 08 - 12 - 2012 م
ليست هناك تعليقات