ياولاد الحلال ... بقلم الشاعر / طارق فوزي

بقلم / طارق فوزي

 

يا ولاد الحلال
حبيبي تايه يا ولاد الحلال
عمره في عمر الزهور
قلبه شفاف بنور
خدوده خدود التفاح
...

شعره حرير سواح
شفايفه بتهمس همس
وعيونه ضي الشمس
ياولاد الحلال
حبيبي تايه ياولاد الحلال
***
حبيبي تايه بقاله سنين
مش عارف يا ناس اجيبه منين
اسمه احلى الاسامي
كلامه احلى الاغاني
ضحكته ضحكة اماني
عنوانه قلبي ومكاني
***
اللي يلاقيه
يقوله
أنا على نار مستنيه
ودايما كمان بحلم بيه
وهستناه عمري كله
وأول ما أشوفه أجري عليه
بس ألاقيه
ياولاد الحلال
حبيبي تايه ياولاد الحلال