مش هسامح( بقلم :هشـــــام عوض )
متقــــــــولش رايــــــــــــح
ولو تقولها مره تانيه مش هسامــــــــــح
اذاي قدرت انك تقولها حرام عليـــــــــــك
عارف كان مسكت قلبي ورحت دابـــــــح
---------------------------------------------
ليه بس تقسى منتا عارف حبي ليــــــك
ولا القسيه في هواك طبع وملامــــــــح
أكيد نسيت اني بعيشها حياتي بيـــــــك
ياريت ما جيت عشان قسيت وكنت جارح
---------------------------------------------
أول ماشفتك من زمان قالت عينيـــــــــك
وقلت ليها بالحنان والفكر ســـــــــــــارح
وكان بروحي كنت اروح اليك واجيـــــــــك
نغوص سوا بحر الهوى ونروح مـــــــطارح
---------------------------------------------
نمشي فـ جناين حبنا ايدي فـ ايــــــديك
الورد يشهد عشقنــــا والفل طـــــــــارح
كان كل حلمي فـ دنيتي حطيته فــــــيك
وكان منايا في هواك تقول وأصـــــــــــارح
---------------------------------------------
ولما بوحنا بسرنا إيه اللي بيـــــــــــــــك
بدل ماتفرحبي هنا تقولي رايــــــــــــــح
---------------------------------------------
انا مش هسامح
------------------
أيــــــام وأحــــــلام ( هشـــــام عوض )
الخميـــــــــــــــس 20-12-2012م
ليست هناك تعليقات