حلم ميت ... بقلم الشاعر / طارق العجمي

بقلم / طارق العجمي

 

كــل شــئ ممكن يكــون... ممكن مد إدينا لحلم علشان نطولوا
بس اللى صعب علينا يوم... نوصل الحلم ونفقدوا فى لحظة وصولوا .
:::::::::::::::::::::::::::::::::::::
:::::::::::::::::::::::::::::::::::::
...

كتير بيضيق الكون فى عينى .
بتفتح باب لكام عذاب .
واليأس يهد احلامى .
وحلمى يموت تحت التراب.
واشوفنى وحيد
فى ارض عبيد.
ملاقيش ولا حد قدامى.
يفتح عينى ع الحق.
ويشيل النفس من ضيقها .
ويحاول انه يواسينى.
يقول كلام ينسينى
منام شفته بيسرقنى
بيخطفنى من كام حقيقه
وبياخدنى من احلى ضيقه
بجد كتير بكون مسرور
لو مره الاقى القلب عاجز
يموت من حلم كان مكسور
بروح بنفسى لنفسى
واعزينى
واهنينى
بانى هاموت.
من اللى كنت منه بخاف
هاشوف حلمى كفيف فى قبر
ومن يعين الروح ع الصبر
مافيش ولا حد حاسسنى .
دموع العين مصاحبانى.
ومين فى العتمه ونسنى.
مشيت مع نفسى من تانى.
ويوم ماشفت قطر النور.
يعدى عليا ويدوسنى.
ده حتى فى شدتى وجرحى.
بلاقى فراغى ونسنى
ونصيبى الكسره فى نفسى
..هلم العمر
فى ترابى.
وهادفن كل ايامى
وحلمى هاسيبه للدنيا
لعل ف لحظه تحينى
واقوم من موتى على صرخه
والم الحلم فى كفى .
واحاول اعيشها من تانى.