كلمة شوق -- بقلم : هشـــــام عوض

تحت كلمة شوق خطـوط
خط يصرخ من ســــكـوت
خط نفسه يوم تفـــــــوت

خط يندهلك بصـــــــــوت
خط بعدك زي مـــــــــــــوت
-------------------------------
لكن اللسان سجـــــــين
نفسه يسأل بس مــــين
نفسه يكتب لو حــــــزين
قلبي مليان بالحنـــــــين
ايوه بعدك ليا مــــــــــــــوت
-------------------------------
قلبي حبك شيء اكــــيد
وانتي قلبك كان سعيــــد
كنا ايد ماسكه فـ ايـــــــد
ليه هجرتيني وحــــــــيد
بعدي عنك مش ســـــكوت
-------------------------------
جيت اقولك كلمــــــــتين
كنتي مني نيني عــــين
ليه زرعتيلي الانــــــــين
ليه غدرتي وكان لي فين
وانتي عارفه راح امـــــــــوت
-------------------------------
انت قلبك قاسي ليـــــه
انتي فاكره الحب ايـــــه
يوم بكيفك تصنعيــــــــه
يوم بكيفك تهدميــــــــه
اهجريني مش هـــــــــموت
-------------------------------
أيام وأحلام ( هشـــــام عوض)
الاربـــــعاء 12-12-2012م