انت ملاكى ... بقلم / منتصر منصور

بقلم / منتصر منصور

 قالوا مين رجعك تحب وتعشق من تــــــاني..

... مين حلاك تعيش حرقة الشوق والاّه يــاني..

قلتلهم أنتِ يا ملاكي..يا أم عيون عشقاني..

يالي حبي ف دمك وقلبك الطيب إحـــتواني..

ضحكة صافية راقتني ف زمن كتير بكــــاني..

مش من أهل الأرض..أنتِ من كوكب تاني..

أيوة ..

مستحيل تكوني مننا.. أنتِ ملآك نــوراني..

زي الحلم الجميييل..زي البدر جمال رباني..

بيسألوني ..

الملايكة على الارض..قلتلهم نازلة عشاني..

طلبوا

أحكيلهم عن حبك..قلتلهم حب نــــــــوراني ..

قالوللي

أوصفك..قلتلهم عيونك عيون غــــــــزلاني ..

شعرك جدايل حرير.. كشمير أصــــفهاني..

والشفايف قوس قزح جمالها ..قتـــــلاني..

العود عود بان ما شفتوش في زمــاني..

غاروا منك..لأن حبك خلاني أنسان تاني.

معاك..

مش عايش على الأرض ولا فى مــكاني..

عايش في زمن جميييييل..مش زي زماني

متطلبيش مني حبيبتي أرجع لأرض أحذاني

ما صدقت إني أنسى أيام عذابي وحرماني

×××××××××××××××××××××××