خلاص فات الميعاد بقلم : د منال عفيفي
خلاص فات الميعاد
بقلم : د منال عفيفي
**************
طول عمرى بارضى بقليلى
حتى القليل منك ماجاش
وعشت عمرى وسنينى
أحلم بكلمة مقلتهاش
دلوقتى راجع تنادينى
تقول بحبك مستغناش
إن كنت راجع ترضينى
أنا قلبى عنك مابيرضاش
وان قلت نادم سامحينى
خلاص كلامك مابيسواش
ولاحتى ندمك يكفينى
انا بعت عمرى لك ببلاش
وكان منايا تهنينى
لكن ده أملى راح ولاجاش
وبعدى عنك يرضينى
دى الفرحة منك مشفتهاش
ليست هناك تعليقات