طريق السحاب -- بقلم: سميره الاسريجى

 

نظرت عنيه للسحاب ولخطوته
واذاى فى لحظه واحده داب رغم كل قوته
واذاى مع بداية النهار شاف سكته
واذاى عيون الشمس طالعه بتحضنه
وازاى نبات الارض مستنى انه يحن له
شوفت الشجر طالع لفوق كأنه عاوز يلمسه
شوفت الطيور طايره عليه محروسه تحت قبته
وحاجات كتير تحتيه تطير فيها الامير فيها الخطير
فيها اللى ماشى فى سلام واللى بيسبب الآم
جوايا نهر من الكلام عاوز يفيض ويوصفه
ولما يحضن بعضوا تنزل دمعته
ويغير اسمه للمطر وكمان بتضعف قوته
يترجى فيها الزرع يشرب ميته
وناس بتجرى على البيوت تبعد كده من سكته
وكمان ولاد وبنات صغار بيرقصوا على غنوته
وجناح حبيب لافف حبيبه محوطه
خايف عليه مالمطره دى لتبرده
وحبيبه طاير مالسعاده مابين ايديه
فرحان لانه من المطر خايف عليه
وطريق ياعينى من المطر ذى الغريق
نازل عليه وبيحضنوا كانه صاحب ليه وصديق
وهى دى حكاية السحاب لما وصل اخر الطريق
-----------------------
بقلمى سميره الاسريجى
(مامانونه)