فوقوا بقى ... بقلم / محمود وحيد
بقلم / محمود وحيد
يا دولة البهـــوات
وحكومة عايشة بهـات
...
هو الضمير لومــات
كيف العدالة تســود
كيف الجراح هتطيـب
يا دولة التهليــــب
لو تستحى من العيــب
جايز وطنا يعـــــود
جايز نعدى الليــــل
يا دولة التهليـــــل
لما الميزان بيميـــــل
يبقى الامان مفقـــود
يبقى البرئ مســـجون
يا دولة اللى يخــــون
لما الشرف بيهــــون
نمشى فى طريق مســـدود
نمشى فى متاهــــة ذل
يا دولة سيفها الغـــل
لما الكبير بيضـــــل
ايه يعمل المولـــــود
ايه يعمل المسكـــين
يا دولة السكاكـــين
سكين على سكـــين
دم الولاد مشهـــود
دم الغلابة انهــــار
يا دولة الاشــــرار
الارض للاحــــرار
لابد يوم هتعــــود
لابد من التغيـــــير
يا دولة التدمـــــير
لو فيكى الف مشـــير
جيشك امان معهـــود
جيشك لصمته حــــد
يادولة صـــــد ورد
فرعون خلاص انهــــد
والحبل بقى مشــــدود
الحبل فى الميــــــدان
يا دولة العصيــــــان
الحد فى القــــــران
مذكور واحنا شهــــود
ليست هناك تعليقات